വെക്കേഷന്‍ ടീച്ചര്‍ ട്രെയിനിംഗ്

 ഡി.ആര്‍.ജി യു പി മാത്സ്

യു.പി മാത്സിന്‍റെ ഡി.ആര്‍.ജി പരിശീലനം 05/05/2022-07/05/2022 വരെ ഫാത്തിമ്മ മാതാ ആനിമേഷന്‍ സെന്‍ററില്‍ വെച്ച് നടന്നു.  പരിശീലനത്തിന്‍റെ ഉദ്ഘാടനം മരിയാപുരം ഗ്രാമപഞ്ചായത്ത് മെമ്പര്‍ അഡ്വ. ഫെനിന്‍ അധ്യക്ഷനായ യോഗം ജില്ലാ പഞ്ചായത്ത് മെമ്പര്‍ ശ്രീ കെ ജി സത്യന്‍ ഉദ്ഘാടനം ചെയ്തു. അറക്കുളം ഉപജില്ലാ ഓഫീസര്‍ ശ്രീ കെ വി രാജു മുഖ്യപ്രഭാഷണം നടത്തി. എസ്.എസ്.കെ ഡി.പി.ഒ ശ്രീ മൈക്കിള്‍ സെബാസ്റ്റ്യന്‍ ആശംസകള്‍ അര്‍പ്പിച്ചു. അറക്കുളം ബി.പി.സി ശ്രീമതി സിനി സെബാസ്റ്റ്യന്‍ സ്വാഗതവും ശ്രീ ജോബിറ്റ് പി സെബാസ്റ്റ്യന്‍ നന്ദിയും പറഞ്ഞു. 

എല്‍.പി വിഭാഗം

അറക്കുളം ബി.ആര്‍.സി യുടെ പരിധിയില്‍ വരുന്ന 2022-23 അധ്യയന വര്‍ഷത്തെ അധ്യാപക സംഗമം  അറക്കുളം സെന്‍റ്. തോമസ് യു.പി സ്കൂളില്‍ വെച്ച് നടത്തുകയുണ്ടായി. ആദ്യഘട്ടം 16 മുതല്‍ 19 വരെയും, രണ്ടാം ഘട്ടം മെയ് 20,21,23,24 എന്നീ തീയതികളിലുമായിരുന്നു. ഉദ്ഘാടന പരിപാടികള്‍ എ.ഇ.ഒ ശ്രീ രാജു സാറിന്‍റെ നേതൃത്വത്തില്‍ നടന്നു. ഡി.പി.ഒ ശ്രീ മൈക്കിള്‍ സെബാസ്ററ്യന്‍ സന്ദര്‍ശനം നടത്തി. കോവിഡാനന്തര വിദ്യാഭ്യാസം, വികാസ വിടവുകള്‍, ജീവിത നൈപുണി, കുട്ടിയെ അറിയല്‍, മിശ്രപഠനരീതിയുടെ സാധ്യതകള്‍ , കുട്ടികളെ മികവിന്‍റെ പാതയിലെത്തിക്കുവാന്‍ അധ്യാപക സമൂഹത്തെ സജ്ജമാക്കുക എന്നീ ലക്ഷ്യങ്ങള്‍ കൈവരിക്കുവാന്‍ എല്‍.പി അധ്യാപക സംഗമത്തിന് സാധിച്ചു.  ആദ്യ ബാച്ചില്‍ 44 അധ്യാപകരും , 4 ആര്‍.പി.മാരും, രണ്ടാമത്തെ ബാച്ചില്‍ 46 അധ്യാപകരും, 4 ആര്‍.പി മാരും പങ്കെടുത്തു.

യു.പി വിഭാഗം

അറക്കുളം ബി.ആര്‍.സി യുടെ പരിധിയില്‍ വരുന്ന 2022-23 അധ്യയന വര്‍ഷത്തെ അധ്യാപക സംഗമം  യു.പി വിഭാഗം പരിശീലനം സെന്‍റ് ജോര്‍ജ്ജ് യു.പി സ്കൂളില്‍ വെച്ച് 10/05/2022 മുതല്‍ 12/05/2022 വരെ നടത്തപ്പെട്ടു. മലയാളം, ഇംഗ്ലീഷ്, ഹിന്ദി, കണക്ക്, സോഷ്യല്‍ സയന്‍സ്, ബേസിക് സയന്‍സ് എന്നീ വിഷയങ്ങളുടെ പരിശീലനമാണ് അന്നേ ദിവസങ്ങളില്‍ നടന്നത്. .. ബഹു. എ.ഇ.ഒ ശ്രീ രാജു സാര്‍ അധ്യക്ഷത വഹിച്ച യോഗത്തില്‍ അറക്കുളം പഞ്ചായത്ത് പ്രസിഡന്‍റ് ശ്രീ വിനോദ് സാര്‍ ഉദ്ഘാടനം നിര്‍വ്വഹിക്കുകയും ഡയറ്റ് ഫാക്കല്‍റ്റി ശ്രീ അജീഷ് , സ്കൂള്‍ ഹെഡ്മിസ്ട്രസ് ആശംസകള്‍ അര്‍പ്പിക്കുകയും ചെയ്തു. ട്രെയിനര്‍മാരായ ഹസീനാ ബീഗം, ജാസ്മിന്‍ ജോസഫ് സ്വാഗതവും നന്ദിയും അര്‍പ്പിച്ചു..53 അധ്യാപകരും, 16 ആര്‍.പി മാരും സംഗമത്തില്‍  പങ്കാളികളായി. കോവിഡ് കാലം സൃഷ്ടിച്ച സാമൂഹിക, മാനസിക പ്രശ്നങ്ങള്‍ തിരച്ചറിഞ്ഞ് അവ പരിഹരിക്കുന്നതിന്  ആവശ്യമായ ധാരണകള്‍, ശേഷികള്‍ ഇവ നേടുന്നതിനും ജ്ഞാന നിര്‍മ്മിതിക്ക് പ്രാധാന്യം നല്‍കിയും അക്കാദമിക മാസ്റ്റര്‍ പ്ലാന്‍ തയ്യാറാക്കുന്നതിനും അധ്യാപകരുടെ ആത്മവിശ്വാസം വര്‍ദ്ധിപ്പിക്കുന്നതിനും ജീവിത നൈപുണികള്‍ രൂപപ്പെടുത്തുന്നതിനും നൈതികത മൂല്യങ്ങള്‍ ജീവിതത്തില്‍ പകര്‍ത്തുന്നതിനും ഉള്‍ച്ചേര്‍ക്കല്‍ വിദ്യാഭ്യാസത്തിന്‍റെ പ്രാധാന്യം മനസ്സിലാക്കുന്നതിനും യു.പി അധ്യാപക സംഗമം വഴി തെളിച്ചു. ഡി.പി.ഒ ശ്രീ മൈക്കിള്‍ സെബാസ്റ്റ്യന്‍, എ.ഇ.ഒ രാജു സാര്‍ എന്നിവര്‍ സന്ദര്‍ശനം നടത്തുകയും ചെയ്തു.