സമഗ്രശിക്ഷ അറക്കുളം ബി.ആര്‍.സി യുടെ നേതൃത്വത്തില്‍ ഭിന്നശേഷിക്കുട്ടികളുടെ ഓണ്‍ലൈന്‍ പഠനം ഊര്‍ജ്ജിതമാക്കുന്നതിന്‍റെ ഭാഗമായി ദ്യുതി 2020 എന്ന പേരില്‍ ഒക്ടോബര്‍ 08 വ്യാഴാഴ്ച്ച രാവിലെ 10 മണിയ്ക്ക് ഗൂഗിള്‍ മീറ്റ് വഴി പരിശീലനം സംഘടിപ്പിച്ചു. വിക്ടേഴ്സ് ചാനലിലൂടെ വരുന്ന ക്ലാസ്റൂം പ്രവര്‍ത്തനങ്ങള്‍ അനുരൂപീകരണം നടത്തി വൈറ്റ് ബോര്‍ഡ് എന്ന പദ്ധതിയിലൂടെ ഭിന്നശേഷിക്കുട്ടികളിലെത്തിക്കുന്നു. ഈ പ്രവര്‍ത്തനങ്ങളെക്കുറിച്ച് അധ്യാപകരില്‍ കൂടുതല്‍ അവബോധ ഉളവാക്കുക എന്നതാണ് ലക്ഷ്യമിടുന്നത്. ബി.ആര്‍.സി പരിധിയിലുള്ള സ്കൂളുകളിലെ പ്രഥമാധ്യാപകരും, ഐ. ഇ.ഡി ചാര്‍ജ്ജുള്ള അധ്യാപകരുമാണ് ഈ പരിശീലനത്തില്‍ പങ്കെടുത്തത്. പരിപാടിയുടെ ഉദ്ഘാടനം അറക്കുളം ഗ്രാമപഞ്ചായത്ത് പ്രസിഡന്‍റ് ടോമി ജോസഫ് കുന്നേല്‍ നിര്‍വ്വഹിച്ചു. സമഗ്രശിക്ഷ ഇടുക്കി ജില്ലാ പ്രോജക്ട് കോ ഓര്‍ഡിനേറ്റര്‍ ബിന്ദുമോള്‍ ഡി അധ്യക്ഷത വഹിച്ച പ്രോഗ്രാമില്‍ പ്രോഗ്രാം ഓഫീസര്‍ ധന്യ പി വാസു പദ്ധതിവിശദീകരണം നടത്തി, ഡയറ്റ് ഫാക്കല്‍റ്റി അബ്ദുള്‍ നാസര്‍, അറക്കുളം ഉപജില്ലാ വിദ്യാഭ്യാസ ഓഫീസര്‍ കെ വി രാജു, ബ്ലോക്ക് പ്രോജക്ട് കോ ഓര്‍ഡിനേറ്റര്‍ മുരുകന്‍ വി അയത്തില്‍, എച്ച്.എം ഫോറം സെക്രട്ടറി സെലിന്‍ ജോസഫ് , എന്നിവര്‍ പ്രോഗ്രാമില്‍ ആശംസകള്‍ അര്‍പ്പിച്ചു സംസാരിച്ചു.. കാഴ്ച്ച പരിമിതി, ഓട്ടിസം, കേള്‍വി ക്കുറവ്, ബുദ്ധി പരിമിതി, സെറിബ്രല്‍ പാള്‍സി ,പഠനവൈകല്യം എന്നീ വിഷയങ്ങളില്‍ സ്പെഷ്യല്‍ എഡ്യുക്കേറ്റേഴ്സായ ആന്‍സി ഫിലിപ്പ്, ചിപ്പി റ്റി കെ, സന്ധ്യാമോള്‍ സാബു, മിനു ജേക്കബ്, നിഷ ജേക്കബ്, സിന്ധുമോള്‍ വി കെ എന്നിവര്‍ പ്രബന്ധങ്ങള്‍ അവതരിപ്പിച്ചു. ഈ വിഭാഗങ്ങള്‍ക്കു വേണ്ടി വൈറ്റ് ബോര്‍ഡില്‍ നടന്നു വരുന്ന ക്ലാസുകളെകുറിച്ചും വിശദീകരിച്ചു. പ്രോഗ്രാമിന്‍റെ മോഡറേറ്ററായ ബി.ആര്‍.സി ട്രെയിനര്‍ വിനീഷ്യാ എസ്, സ്പെഷ്യല്‍ എഡ്യുക്കേറ്റേഴ്സായ നോബിള്‍ ഫ്രാന്‍സീസ് എന്നിവര്‍ കൃതജ്ഞത അര്‍പ്പിച്ചു.
No comments:
Post a Comment